2012 йил январь ойи давомида UZ зонасидаги фаол доменлар сони 1,7 фоизга ошиб, 1 февраль ҳолатига кўра 13674 тани ташкил этди.
UZINFOCOM Компьютер ва ахборот технологияларини ривожлантириш ва жорий этиш марказининг ҳисоботида қайд қилинишича хостингдан фойдаланувчи фаол доменлар сони ҳам ошган ва 9837 ни ташкил қилган.
Ўзининг расмий интернет-порталига эга давлат муассасаларининг сони ҳам ортиб бормоқда. Бугунги кунда уларнинг сони 114 тани ташкил этади. 2005 йил сентябрида ўқув-таълим, илмий, ёшлар ва болалар муассасалари ва ташкилотлари учун ахборот материаллари ва захираларини тўплаш мақсадида яратилган ZiyоNET кутубхона-маълумот миллий тизимида айни пайтда 34407 та материал мавжуд. Январь ойида уларнинг сони 11,2 фоизга ошган. darakchi.uz
|
