..::MuxliS.Biz.Uz::..

CHJ 2014 ONLINE TV

Admin — Sat, 14 Jun 2014 23:15:33 GMT

Англия терма жамоаси кучли жала бўлганлиги сабаб машғулотларни қўйиб юборди

Admin — Tue, 03 Jun 2014 00:31:30 GMT

Англия термаси Майамидаги ураган мавсуми вақтида бўлган кучли жала сабаб машғулотлар ўтказа олмади, деб хабар қилади Daily Mirror.

Натижада Рой Ходжсон шогирдлари бутун кун тренажор залда ишлашди.

Эслатиб ўтамиз, англичанлар бош мураббийи Бразилиядаги об-ҳавога яқинлаштириш учун Америка курортини танлаганди.

Манба: www.sport-express.ru

Криштиану Роналду ЖЧ-2014 олдидан жамоасини расмга олди

Admin — Tue, 03 Jun 2014 00:29:14 GMT

Португалия термаси сардори Криштиану Роналду ЖЧ-2014 олдидан ўзини ва жамоадошларини телефонига расмга олди ва ўзининг расмий твиттерига жойлади.

“Мамлакатни эътироф этадиган жамоа”, – дея Роналду расм тагига ёзиб қўйди.

Эслатиб ўтамиз, жаҳон чемпионати гуруҳ босқичидаги Португалия термасининг рақиблари Германия, Гана ва АҚШ бўлади.

Манба: www.sport-express.ru

ЕЧЛ рамзий терма жамоасига “Реал”нинг бир йўла етти футболчиси киритилди

Admin — Tue, 03 Jun 2014 00:26:39 GMT

УЕФА 2013/14-йилги Европа Чемпионлар Лигаси рамзий терма жамоасини эълон қилди,. Жамоада жами 18 футболчи ўрин эгаллаган, шулардан еттитаси мусобақа ғолиби бўлган “Реал” футболчилари. Терма жамоанинг асосий таркиби аниқланмаган.

Чемпионлар Лигаси 13 учрашувида “Қироллик клуби” атиги 8 гол ўтказиб юборган. Шу сабабли ҳам рамзий жамоанинг ҳимоя қўрғонидан Мадрид футболчиларидан бир йўла учтасини учратиш мумкин – Даниэль Карвахаль, Пепе ва Серхио Рамос. “Реал”нинг яна уч футболчиси ўрта чизиққа ҳам жойлаштирилишган: Анхель Ди Мария, Лука Модрич ҳамда Хаби Алонсо.

Тўлиқ таркиб қуйидагича кўриниш олган: Дарвозабонлар – Тибо Куртуа (“Атлетико”), Мануэль Нойер (“Бавария”); Ҳимоячилар – Диего Годин (“Атлетико”), Филипп Лам (“Бавария”), Даниэль Карвахаль (“Реал”), Пепе (“Реал”), Серхио Рамос (“Реал”); Ярим ҳимоячилар – Габи (“Атлетико”), Андрес Иньеста (“Барселона”), Тони Кроос (“Бавария”), Анхель Ди Мария (“Реал”), Лука Модрич (“Реал”), Хаби Алонсо (“Реал”); Ҳужумчилар –Марко Ройс (“Боруссия”), Диего Коста (“Атлетико”), Арьен Роббен (“Бавария”), Златан Ибрагимович (“Пари Сен-Жермен”), Криштиану Роналду (“Реал”).

Манба: www.sport-express.ru

Лэмпард «Челси»ни тарк этганини эълон қилди

Admin — Tue, 03 Jun 2014 00:22:52 GMT

«Челси» клуби ярим ҳимоячиси Фрэнк Лэмпард амалдаги клуби билан ҳайрлашганини эълон қилди.

«13 йил олдин мазкур ажойиб клубга ташриф буюрганимда, бундай кўп учрашув ўтказишни ва бу даражада муваффақиятлар қозонишимни тасаввур ҳам қилмаган эдим.

Бу клуб менинг ҳаётимнинг бир бўлагига айланди, бунинг учун кўпчиликдан миннатдорман. Биринчи навбатда, Кен Бэйтсдан, айнан у мени ёшлигимда бу ерга таклиф қилган, – мазкур инсонсиз ҳозир бу даражага етишмасдим.

Роман Абрамовичга ҳам ўз рахматимни айтаман, у клубимизни сақлаб қолди ва уни янги босқичга кўтарди.

Ўсишимга ёрдам берган барча мураббийларимга рахмат. Уларнинг баридан мен нимагадур ўрганганман. Бирга тўп сурган ва шу вақтгача бирга бўлган жамоадошларимга ҳам рахмат.

Жаҳондаги энг яхши мухлисларимизга ҳам рахмат. Сиз мени нафақат майдонда, балки ҳаётимдаги қийин дамларимда ҳам қўллаб-қувватладингиз

Олдинда мени нима кутиб туришидан қатъий назар, «Челси» доимо менинг юрагимда бўлади. Умид қиламанки, сизлар билан яхши атмосферада ҳайрлашишга имкониятим бўлади», – дейди Лэмпард.

Манба: www.sports.ru

Австралия Қатар ўрнига ЖЧ-2022ни қабул қилишга тайёр

Admin — Tue, 03 Jun 2014 00:19:13 GMT

Австралия футбол федерацияси раҳбари Дэвид Гэллоп Австралия Қатар ўрнига 2022 йилги Жаҳон чемпионатини тайёр эканини таъкидлади.

"Ҳали конкрет чоралар ҳақида гапиришга эрта. Ўйлайманки, Қатар ўзига нисбатан қўйилаётган айбловларга нисбатан албатта муносабат билдиради Албатта, биз ЖЧни ўтказишга тайёрмиз. Аммо вазият ҳали бунга етиб келгани йўқ. Ўйлайманки, кейинчалик бу борадаги маълумотлар кўпаяди", - дейди Гэллоп.

Манба: sport-express.ru.

Камеруннинг ЖЧ-2014 учун якуний таркиби маълум, Это’О Бразилияга боради

Admin — Tue, 03 Jun 2014 00:15:07 GMT

Камерун терма жамоаси бош мураббийи Фолькер Финке ЖЧ-2014 учун якуний таркибни эълон қилди.

• • •

Мундиалга борадиган 23 нафар футболчи сафидан Камерун футболи юлдузи Самюэль Это’О ҳам жой олди. (Маълумот учун ушбу ҳужумчини FIFA.UZда 75 га сотиб олиш мумкин)

Дарвозабонлар: Лоик Фёджу (“Котон Спорт”), Шарль-Юбер Итанж (“Коньяспор”, Туркия), Самми Н’Жок (“Фетиеспор”, Туркия);

Ҳимоячилар: Бенуа Ассу-Экотто (“Тоттенхэм”, Англия), Анри Бедимо (“Лион”, Франция), Орельен Шежу (“Галатасарой”, Туркия), Седрик Жёгуэ (“Котон Спорт”), Николя Н’Кулу (“Марсель”, Франция), Дани Нункеу (“Бешиктош”, Туркия), Аллан-Ромео Ньом (“Гранада”, Испания);

Ярим ҳимоячилар: Эно Эйонг (“Антальяспор”, Туркия), Жан Макун (“Ренн”, Франция), Жоэль Матип (“Шальке”, Германия), Стефан Мбиа (“Севилья”, Испания), Бенжамен Муканжо (“Нанси”, Франция), Ландри Н’Гемо (“Бордо”, Франция), Эдгар Салли (“Ланс”, Франция), Алекс Сонг (“Барселона”, Испания);

Ҳужумчилар: Венсан Абубакар (“Лорьян”, Франция), Эрик Шупо-Мотинг (“Майнц”, Германия), Самуэль Это’О (“Челси”, Англия), Фабрис Эссоно (“Малага”), Пьер Вебо (“Фенербахче”, Туркия).

Эслатиб ўтамиз, Камерун “А” гуруҳида Бразилия, Мексика ва Хорватия терма жамоалари билан ҳисоб-китоб қилади.

Манба: championat.com

ЖЧ-2014. Франциянинг якуний таркиби маълум

Admin — Tue, 03 Jun 2014 00:12:38 GMT

Франк Рибери Франциянинг мундиалга борадиган таркибидан ўрин олди.

• • •

Дарвозабонлар: Льорис ("Тоттенхэм"), Руффье ("Сент-Этьен"), Ландро ("Бастия").

Ҳимоячилар: Варан ("Реал"), Сахо ("Ливерпуль"), Дебюши ("Ньюкасл"), Косиельни ("Арсенал"), Динь (ПСЖ), Мангала ("Порту"), Санья ("Арсенал"), Эвра (МЮ).

Ярим ҳимоячилар: Кабай (ПСЖ), Погба ("Ювентус"), Матюиди (ПСЖ), Сиссоко ("Ньюкасл"), Гренье ("Лион"), Мавуба ("Лилль"), Вальбуэна ("Марсель").

Ҳужумчилар: Бензема ("Реал"), Рибери ("Бавария"), Гризманн ("Реал Сосьедад"), Жиру ("Арсенал"), Реми ("Ньюкасл").

Манба: soccer.ru

Замонавий синглимга мактуб

Admin — Tue, 07 Jan 2014 05:59:22 GMT

«Сизни ҳар куни кўрардим. Ортингиздан ҳавас билан қараб қолардим. Нигоҳларингиз бирам чиройли эдики, ҳавас аталмиш булоқнинг кўнглимда кўз очишига сабабчи бўлган ҳам ўша гўзал нигоҳларингиз эди. Бу нигоҳларни мужгонларингиз янада бетакрор, янада латофатли қилиб кўрсатишга уринарди.

Аммо, ўша куни… юрагингизнинг туб-тубидан шундай сўзлар отилиб чиқдики, беихтиёр кўзларингизнинг алдамчи эканлигини англаб қолдим.

Во ажабо! Тилни ёмон сўзлардан тийиш ҳам нафс аталмиш улкан аждаҳони енгиш билан баробар эканда. Наҳотки сизда ушбу аждаҳони енга олувчи куч топилмади.

Йўқ, аслида сизда шундай куч мавжуд эди. Лекин, дилингиз ортига беркиниб олган ички кучни ўша онларда фаҳмлаб етмадингиз.

Дилингиз ва тилингизни бир тутмоқлик ҳам, беҳаё сўзлардан вужудингизни иҳота қилмоқлик ҳам ўз қўлингизда эди. Аммо…

Яратган эгам инсон зотини гўзал ахлоқий фазилатлар билан сийлаган.

Шуни яхши биламизки, инсоният барча мавжудотлар ичида энг ёқимлиси ва энг чиройлисидир, шу билан бирга энг афзалидир. Инсонга насиб этган ушбу туғма хислатлар ва қобилиятлар икки дунё саодатига эришмоқнинг ягона йўлидир.

Келинг, сиз билан ҳаё ҳақида сўзлашайлик. Ҳаё сўзи араб тилидан келиб чиққан бўлиб, ножўя хатти-ҳаракатлардан ўзни тийиш, сақлаш, деган маъноларни англатади.

Ножўя хатти-ҳаракатлар инсонни нафақат жисмонан шикастланишига олиб келади, балки катта руҳий шикастланишни ҳам келтириб чиқаради. Инсонни кўтариб турган, унга инсонийлик мақомини бериб, ҳайвонлардан фарқлантириб турган нарса бу унинг руҳиятидир. Ҳаё фақат кийиниш ва юриш-туришдаги сиполикда эмас, балки ҳар бир ҳаракатларимизда, шу билан бирга, кимларгадир қилаётган муомаламизда ҳам акс этади.

Ҳаё аввало кўнгилда илдиз отади. Илдиз отгунига қадар руҳиятнинг ҳар битта нуқтасини нур билан тўлдиради.

Ҳаё дарахтга ўхшайди. Бу дарахтнинг мевалари ғоятда серҳосил ва сархил бўлиб уларга вафо, садоқат, ишонч, дея ном бериш мумкин.

Сингилжоним, сиз замонавий инсонсиз. Интернет доимо сиз билан. Уяли алоқа воситаси орқали доимо алоқадасиз. Замонавий кийинасиз. Модадан орқада қолмоқликни ўзингиз учун фожиа деб биласиз. Муҳими, сиз ўзингизни севасиз. Сизни қадрлашларини, сизни яхши кўришларини хоҳлайсиз. Назардан четда қолишдан, ёлғизликдан қўрқасиз. Буларнинг ёмон жойи йўқ. Тўғри, замон билан ҳамнафас бўлиб яшаш, инсонни ўстиради, дунёқарашини бойитади. Лекин, сиз ушбу виртуал оламдан ўз ўрнида фойдаланяпсизми? Менимча йўқ. Сиз бирозгина меъёрдан четлашяпсиз. Сиз виртуал оламга борлиғингиз билан шунчалик шўнғиб кетгансизки, натижада, ўзлигингизни, момоларимиздан қолган ҳаёни унутиб қўйгансиз.

Азизим, сизни нотабиий, ғайриоддий олам ўз қаърига олиб кириб кетганки, сиз бу оламдан чиқиб кета олсангизгина яна ўзлигингизга қайтасиз.

Борлигингни ҳаё дарахтининг мевалари ила суғориш вужудга ажиб бир куч-қудрат бахш этади. Қувватга тўла вужуд эса инсонни ҳаракатга ундайди. Инсонда яна ва яна олдинга интилиш ҳисси пайдо бўлади. Ҳаё дарахтининг меваларини тановул қилган вужудда жасорат устун бўлади. Сизга озгина жасорат, журъат етишмаяпти. Сиз уларни изланг. Албатта, топасиз. Аввало, руҳингизни покланг.

Ёдингиздами, сизнинг туғилишингиз бир неча инсонларнинг қалбига шукроналик туйғуларини инъом этган эди. Қулоғингизга исмингизни айтиб, азон чақиришганидаёқ борлигингиз иймон зарралари билан туташган эди. Сиз ана шу иймон зарралари билан улғайдингиз. Бизнинг улуғ сифатларимиздан бири бу жаҳолатни енгиш ва шу йўл орқали ҳалимликка йўл очишдир. Бошимизга келадиган ҳар қандай мусибатларни енгиш олинган таълим-тарбия, кўрган кечирганларидан ибрат олиш билан, баъзан фикр қилиш билан, йўқ бўлса шукр қилиш билан амалга оширилади.

Азизим, ҳаёнинг илдизлари руҳингизда уйғонади. Сочларингиз толасида акс этиб, товонингизда ниҳоят топади. Бош ва оёқ оралиғида кўзларингиз ҳамда дилингизни маҳв этиб, тилларингиз орқали ўзининг мавжудлигини намоён этади.

Ҳаё Яратгандан бандаларига мукофот қилиб берилган улуғ сифатлардан бири. Илтимос, ҳаёнинг оқибати сизни юксалтиришини, сизни олижаноб фазилатлардан бири саналмиш инсонийлик мақомига олиб чиқишини ёдингизда тутинг.

Тилагим, бировнинг юзига тик боқманг. Кўнглидан отилиб чиқаётган сўзларига чанг солманг. Кўнгил аталмиш гулзорини унинг кўнглига оғир ботадиган озорларингиз билан пайҳон қилманг.

Ҳаёсизлик чўлга ўхшайди. Қақраб ётади. Бағрида на гул, на бир гиёҳ унади. Ҳаёсизликнинг меваси – сароб. Қақраб ётган жисмни бағрига чорлайди-ю, алдовга гирифтор қилади. Натижада, асаблар қақшайди. Жисм ҳолсизланади ва абгор аҳволга келади. Ҳаёнинг йўқолишидан бахтсизлик туғилади.

Келинг, азизим. Қалбингизнинг туб-тубида қовжираб ётган иймон ва инсоф чечакларини яхшилик аталмиш оби ҳаёт билан суғоринг. Иймон чечакларининг ифори танангизга роҳат бахш этишини, ёнингизда сизнинг чиройли нигоҳларингизга, гўзал сийратингизга илҳақ дўстингизни умидвор эканлигини ёдингизга олинг.

Зеро, ўша гўзал сийратингизга ҳамоҳанг суҳбатингизга муштоқ эканликларини унутманг.

Бола дарсда йўқми, интернет кафедан қидиринг!

Admin — Fri, 06 Dec 2013 06:43:03 GMT

Эрталаб бармоғингизга кичик бир зирапча кирди. Вақтингиз зиқлиги ёки бошқа бир сабаб билан уни олиб ташламадингиз. Бу зирапча бугун кириб, эртага ўз-ўзидан бармоғингиздан чиқиб кетмайди. Унга эътиборсизлигингиз қўл келиб, аста-секин йиринглашни бошлайди. Қарабсизки, бир неча кун ичида ўша жойда каттагина яра пайдо бўлибди. Шифокор эса бу ҳолни олдини олмаганингиз, эътиборсизлик қилиб, жонингизни азобда қолдирганингизни айтади. Энди нима қилмоқ керак? Азиз жонингизни азобга қўйиб, уни даволатасизми ёки пушаймон қилиб, ич-этингизни еб юраверасизми?

Бу мавзуни ёритаётганимда бевосита хаёлимдан кечган ўйлар шу бўлди. Назаримда, биз ҳар куни кўраётган, бироқ эътиборсизлик қилаётган бу ҳолат ҳам худди зирапчанинг тақдирига ўхшайди…

Яқинда ҳужжатларимдан нусха кўчиртириш учун бир интернет кафега кирдим-у, у ердаги ғуж-ғуж бўлиб компьютерларга ёпишаётган болаларни кўриб, ҳайрон қолдим! Ахир ҳозир соат кундузги 11:30. Бу пайтда ўқувчилар дарсда бўлишмайдими? Бугун дам олиш куни ҳам эмас-ку!

Бу ўқувчилар нега мактабга бормай бу ерда ўтиришибди? Уларни ўқитувчилар уришмасмикин?

- Эрталаб соат ўнлардан бошлаб болалар келишни бошлайди. Улар мактабга борадими-йўқми, бу менинг ишим эмас! — деди оператор йигит энсаси қотиб.

Афтидан буларнинг барчаси мактаб-коллеж ўқувчилари. Демак, эрталаб уйдан ўқишга боряпман, деб чиқиб кетишган. Ўқитувчилари эса уларни дарсга келмади, уйида деб ўйлайди. Айни билим олаётган, келажагига замин яратаётган бир пайтда бу ўқувчиларнинг компьютерда жангари ўйинларни ўйнаб ўтирганига нима дейсиз?

- Опа, ўзи бу ерга нимага киргандингиз?

Манави болаларга чалғиб, нега кирганимни ҳам унутаёзибман. Ҳужжатлардан нусха чиқартириб олдим-у, интернет кафедан таъбим хира бўлди. Сабаби, у ерда ўн беш дақиқача турган бўлсам, ўқувчиларнинг жангари ўйинларни гуруҳ-гуруҳ бўлиб ўйнаётганини кўриб, юрагим увишиб кетди. Энг ёмони, уларнинг оғзидан чиқаётган ҳақоратларни эшитишга юз чидамайди, қулоқ дош беролмайди.

Болалардан бири ўртоқларига тайинлаб, бирровга ташқарига чиқди. Унинг ортидан эргашиб, нега бу ўйинларни ўйнаётгани, айни дарсда бўлиши керак пайтда интернет кафеда ўтиришининг сабабини сўрадим. Йигитча ўзини таништиришни истамади.

- Ота-онам эрталаб мактабга кузатишади. Улар дарсим қачон тугашини жуда яхши билишади. Соат учдан кейин уйда бўлишим керак. Уйимизда компьютер йўқ, шундай экан, бўш вақт топиб, оғайниларим билан бу ерга келамиз-да.

- Бўш вақт деганинг дарсдан қочишми?

- Нега мени сўроқлаб қолдингиз? Ана кўряпсизми,шунча бола мактабга, коллежга бормасдан шу ерда ўтирибди-ку. Битта мен эканманми, дарсдан қочган…

Ўсмирнинг жиззакилигига жавобан бироз насиҳат қилган бўлдим. Лекин унинг ёшида ўзганинг фикрини уқмасдан, фақат ўзни ҳақ билиш қоидаси борлигини билганимдан индамай қўя қолдим. Бироқ шундан бери интернет кафеларнинг ёнидан ўтаётиб, унга кириб кетаётган йигитчаларни кўриб, ачиниб кетаман…

Ахборот олиш -зўравонликни ўрганиш

дегани эмас!

Мамлакатимизда чиқарилаётган ҳар бир ҳуқуқий ҳужжат, албатта, инсон манфаатларидан келиб чиққан ҳолда қабул қилинади. Жумладан, 2008 йилда Ўзбекистон Республикасининг «Бола ҳуқуқларининг кафолатлари тўғрисида»ги Қонуни ҳам айнан юртимизда истиқомат қилаётган ёш авлод-фарзандларимизнинг ҳуқуқ ва эркинликлари тўғрисидаги қонуний асосларни ўз ичига олган. Ушбу Қонуннинг 16-моддасида боланинг ахборот олиш ҳуқуқи кафолатлари тўғрисида баён этилган. Унда «Ҳар бир бола ўзининг соғлиғи, ахлоқий ва маънавий камол топишига зиён етказмайдиган ахборотни олиш ҳуқуқига эга. Ҳар бир бола ҳар қандай ахборотни излаш, олиш ва тарқатиш ҳуқуқига эга, қонунда назарда тутилган чеклашлар бундан мустасно.

Порнография, шафқатсизлик ва зўравонликни намойиш этувчи, инсон қадр-қимматини таҳқирловчи, болаларга зарарли таъсир кўрсатувчи ва ҳуқуқбузарликлар содир этилишига сабаб бўлувчи оммавий ахборот воситаларидан фойдаланиш, адабиётларни тарқатиш ҳамда фильмларни намойиш этиш тақиқланади».

Шу ўринда, интернет кафеларда намойишга қўйилган ўйинларнинг бола соғлигига, ахлоқий ва маънавий камол топишига нечоғли аҳамиятли экани борасида фикр юритсак. Жанг саҳналари орқали қаҳрамонларнинг бир-бирини мағлуб этиши, зўравонлик билан унга таҳдид этиши ўсмир руҳиятига қандай таъсир кўрсатади? Шу муносабат билан мутахассисларга мурожаат этдик.

Нигора ШОМУРОТОВА,

психология фанлари номзоди:

- Баъзан ёнимга ота-оналар фарзанди улғайиб, характери тамоман ўзгарганини айтиб, шикоят қилиб келишади.

«Ўғлим кўчага чиқиб, хулқи нобоп болаларга қўшилмасин деб уйимга компьютер олганман. Лекин яқинда ўғлимни кўчадаги интернет кафеда ўйин ўйнаётганини қўшним кўриб қолибди. Уйимиздаги компьютердан нега фойдаланмаслигини сўрасам, «бунда ўйинлар йўқ-да» деди. Эртасига атайин болалар мактабда бўлиши керак пайтда интернет кафега бордим. Хайриятки, улар орасида ўғлим йўқ экан. Лекин у тенги болалар чуғурлашиб, компьютерда ўйин ўйнаяпти. Синчковлик билан тикилиб, улар ўйнаётган ўйиннинг зўравонликдан ўзга нарса эмаслигига амин бўлдим…» дейди ҳузуримга келган бир ота. Унга аввало, фарзандини сиқувга олмаслигини маслаҳат бердим. Чунки одам табиатида бирон нарсани қаттиқ чекланса, унинг қизиқиши икки ҳисса ортади. Болани уйда ўйинлардан чеклаб, ҳар бир ҳаракатини қаттиқ назоратга олган билан керакли натижага эришиб бўлмайди. Яхшиси, фарзандга бундай ўйинлар соғликка, руҳиятга, унинг келажагига зарар етказишини, орзулари йўлидан адаштиришини содда ва самимийлик билан тушунтиринг. Фарзанд буни ақлан қабул қилса ва ишонса, унинг руҳиятида ҳимоя қобиғи пайдо бўлади. Биз фарзандларимизда ана шу ҳимоя қобиғини пайдо қила олсак, у нафақат интернетдаги жангари ўйинлардан, балки унинг онгига салбий таъсир этувчи бошқа ташқи таъсирлардан ҳам асраган бўламиз.

Зулфия

АБДУНАЗАРОВА, она:

- Менимча, фарзандларимизнинг нотўғри қадам ташлашига аввало, ота-она сабабчи, деб ўйлайман. Ўзимнинг ҳам ўсмир ёшидаги фарзандларим бор. Тўғри, улар ҳам тенгқурлари каби қизиқувчан. Айниқса, компьютер қаршисида соатлаб ўтиришни, турли ўйинлар ўйнашни истайди. Шундай пайтда фарзандларимга ҳар бир нарсанинг яхши ва ёмон томонини кўрсатишга ҳаракат қиламиз. Яъни ўша компьютернинг ижобий-фойдали тарафларини кўрсатиб, ана шулардан фойдаланса, бажонидил рухсат беришимни айтаман. Фарзандга оқ ва қора, яхши ва ёмонни тўғри тушунтирилса, у йўлидан адашмайди. Ота-она ҳамда фарзанд ўртасида ишонч ва меҳр бўлса, менимча, ҳаммаси рисоладагидек бўлади.

Абдурасул ДЎСТМУРОДОВ, Мирзо Улуғбек тумани касб-ҳунар саноат коллежи маънавият ва маърифат ишлари бўйича директор ўринбосари:

- Тўғри, ўсмир ёшидаги ўқувчиларнинг таълим-тарбиясига асосан, таълим маскани-мактаб-коллежлар жавобгар саналади. Бу жавобгарлик шунчаки ўқитувчи эрталаб дарсга кириб, «давомат»ни текшириш ва дарс мавзусини ўтиши билан кифояланмайди. Бундоқ қарасак, ўша ўқувчи эрталабки «давомат» да бор. Яъни у бугун коллежга келган. Бироқ кейинги дарсларда у «ўз билганича» йўл тутиб кетади. Айтмоқчи бўлганим, таълим муассасасидаги «давомат» ўқувчини тўлақонли ўқиётганини тасдиқламайди. Шунинг учун ҳам ҳозир ҳар бир дарсда коллеж маъмурияти гуруҳларга кириб, йўқлама қилиб чиқяпмиз. Менимча, ота-она фарзандини ўқиётганига ишониб юрмасдан, уни қандай ўқиётганини, қайси фанлардан билими оқсаётганига, ҳатто таълим масканидаги ўқитувчи ва ўқувчилар билан муносабатигача назорат қилиши шарт. Ота-она, таълим маскани ва маҳалла ҳамкорлигидаги назорат ўқувчини вақтини беҳуда сарфлашдек ножўя ҳаракатлардан асраб қолади. Мана шу уч томонлама назорат бўлмас экан, ўқувчида ўша ёт машғулотларга интилиш мойиллиги сақланиб қолади.

Турсуной ИКРОМОВА, маҳалла маслаҳатчиси:

- Вазифам тақозоси билан маҳаллани айланиб, фуқароларнинг аҳволини, турмушини кузатишга ҳаракат қиламан. Ўша пайтда маҳалладаги интернет кафелардан чиқиб келаётган ёш йигитларни кўриб, ажабланаман. Бир неча марта мактаб маъмуриятига ўқувчилари кундузи-дарс пайтида интернет кафеда бўлишини, бунга нисбатан чора кўриши кераклигини айтдим. Тўғри, шундан кейин бир-икки кун ўша ўқувчилар интернет кафеларда кўринишмайди. Орадан ҳафта ўтмай, қарабсизки, яна ўша эски ҳаммом, эски тос-да. Маҳалла, таълим маскани жон куйдиргани билан ота-она бу ҳолга эътиборсизлик қилса, ҳеч қандай ижобий натижага эришиб бўлмайди.