Машхур халифа Хорун ар-Рашиднинг замондоши Бахлулни девонавор хаёт кечиргани учун «Девона Бахлул», хикматли сўзлари билан машхурлиги учун «Доно Бахлул» дер эдилар. Хорун ар-Рашид Бахлулни хурмат қилар, у билан сухбатлашиб, хазиллашарди. Бир куни Хорун ар-Рашид гўристондан ўтар экан, эшик ёнида Бахлулнинг бир девона билан сухбатлашиб турганини коўриб қолди. Махрамларига: Уларни саройга олиб боринг, - деди. Хизматчилар девонани олиб кетдилар. Хорун ўз саройига қайтиб келгандан кейин хар икки девонани хузурига келтириб, Бахлулга: - Бағдод шахрида сиз икки девонадан бошқа девона қолгани йўқ, энди иккингизни хам ўлдириб, Бағдодни девоналардан тозаламоқчиман, - деб хазиллашган эди, Бахлул девона: - Бизларни ўлдирсангиз, учинчи девона бўлиб ўзингиз қоласиз. Бағдодни девоналардан тозалаш керак бўлса, ўзингиз хам биз билан бирга у дунёга мархамат қиларсиз деб ўйлаймиз, - деди. Хорун ар-Рашид Бахлул билан хазиллашганидан уялди. Кулиб хар икки девонага инъом эхсон қилди. Ножўя хазил кишини уялтиради-да . . . ! ! !
