"Buni keyin bajaraman!”, "Yaxshisi, ertaga qilaman!” degan bahonalar barchamizga tanish bo‘lsa kerak. Biror bir vazifani bajarmaslik uchun o‘zimizga shunchalar tez bahona topamizki, u bahonalarni keti ko‘rinmaydi. "Qolgan ishga qor yog‘ar” deydi xalqimiz, bu dangasalik xech kimga omad keltirmagan, sizga ham muvaffaqiyat keltirmaydi. Azizlarim, bugun e'tiboringizga dangasalikdan qutulishning 7 sirini ochmoqchiman. 7 Sir: 1 Nimani yo‘qotayotganingizni o‘ylab ko‘ring. Til o‘rganishni orqaga surayapsizmi? Unda sizni xorijga yuborishmaydi. Ovqatni kechiktirsangiz, yo‘q joydan urush chiqib, ko‘nglingiz xira bo‘ladi. 2 O‘zingizga motivator toping. Atrofingizga nazar tashlang: tengdoshlaringiz sizdan o‘zib ketmayapdimi? Nimaga haliyam bir nuqtada turibsiz? Ulardan yuqori cho‘qqilarga erishgingiz kelamayapdimi? Harakat qiling, harakat! 3 Diqqatingizni chalg‘itmang! Muhim ishni bajarishingiz kerakmi? "Shu yerda va hozir” shioriga amal qiling. Hayolingizni bir joyga yig‘ing. Ishlaringiz turganda internet bilan chalg‘imang. 4 Oldingizda turgan ishlar juda ko‘p bo‘lsa, ularni qismlarga bo‘lib, eng osonidan boshlang. Yoki aksincha, eng qiyin ishni bajarib bo‘lgach, qolgani xech narsa emas. 5 Siz ish bilan bandligingizda o‘zgalar bezovta qilishiga yo‘l qo‘ymang. Telefondagi suhbat, internetdagi chatlashish - vaqtning haqiqiy o‘g‘rilari. 6 O‘zingizga ish yig‘mang. Hammasini keyin qilaman emas, hammasini o‘z vaqtida bajaring. Yo‘l yo‘lakay qilib ketilgan ish ham vaqtni tejaydi, ham unumdor bo‘ladi. 7 O‘zingiz kabi o‘zgarishni istayotgan hamfikr toping, yoki kundalik yuriting. Bir biringiz bilan natijalaringizni tahlil qilib boring yoki kundaligingizga erishayotgan yutuqlaringizni qayd qilib boring. Tez orada natijani ko‘rib, ko‘zingiz quvonadi.
