"Reuters" ахборот агентлигининг хабар беришича, афсонавий Буюк Хитой деворининг ғарбий Пекиндан Хэбэй провинциясига қадар давом этган, сайёҳлар учун мўлжалланган 200 километрлик қисми қонуний ва ноқонуний равишда фаолият юритаётган шахталар туфайли хавф остида қолган. Гап шундаки, шахталарнинг айримлари деворга юз метр яқинликда жойлашган бўлиб, ҳозирда улардан темир, никель каби тоғ жинслари қазиб олинмоқда. Бунинг натижасида улкан деворнинг айрим қисмларида ёриқлар пайдо бўлган. Эслатиб ўтамиз, Буюк Хитой деворининг умумий узунлиги 6400 километрни ташкил этади. Манба: darakchi.uz
