Азарбайжон пойтахти Бокуда дунёдаги энг баланд бино бунёд этилади.
"Azerbaijan Tower” деб номланган ушбу бинонинг баландлиги 1050 метрни ташкил этади. Қурилиш ишлари 2015 йилда бошланади. Хабарингиз бор, ҳозирда дунёдаги энг баланд бино Дубайдаги Бурж Халифа ҳисобланади. Бокудаги бино бундан нақд 220 метр баланд бўлади. Ушбу гигант лойихани Avesta Group of Companies қурилиш компанияси қуриб битказади.
Бу бино ёнида худди Дубайдагига сингари 41та сунъий оролларда жойлашадиган янги шахар хам барпо этилади. 9 баллик ер силкинишига бардош беришга тайёр бўлган ушбу бинонинг расмдаги кўринишининг ўзи хам хозирданоқ инсонни ўзига жалб қилмоқда. Бу лойиҳалар Каспий денгизининг устида бунёд этилиши мўлжалланган.
Лойиханинг умумий бахоси $100 миллиард, шундан $2 миллиарди дунёнинг энг баланд биносини қуриш учун ишлатилади. Бинонинг битиши 2019 йилга, ороллар эса 2022 йилга тахмин қилинмоқда. Манба: darakchi.uz
