Жинс борасида омадимиз чопганининг 19 исботини билишни истайсизми?
Яқинда бир дугонам, «йигитларга маза! Билганича яшайди, уларга ҳамма нарса мумкин. Бироз эътироз билдирсанг, «мен эркак кишиман», деб шу гапининг ўзи биланоқ оғзингга уради», дея дийдиё бошлади.
Бу узо-о-о-қ давом этди. Охири, «эҳ, қаерданам аёл бўлиб яратилган эканмана», деган гапидан сўнг сабр косам тўлди. Унга нозик жинс вакили бўлишнинг афзал жиҳатлари анчалигини исботладим. Улардан айримлари билан сиз ҳам танишинг. Балки шунда ўзингизга нисбатан ишончингиз бироз ортар?
1.Аслида ўзи Цезаргамас, бизга ҳавас қилиш керак! Мана, масалан, бизга бирваракайига ҳам тирноқларни бўяш, ҳам телефонда гап сотиш, ҳам машина бошқариш ҳеч қандай қийинчилик туғдирмайди.
2.Нимаики дилсиёҳлик бўлмасин, ўзимизни дўкон айланиш билан овунтиришга қодирмиз! Соч турмагини янгилаш ёки уни бошқа рангга бўяш орқали эса умуман ҳаётимизни тубдан ўзгартиришимиз мумкин!
3.Бизнинг фақат масофадан туриб бошқариш пультимиз эмас, ўша пультни бошқарадиган инсонимиз ҳам бор! Пультни сизга бермаслик учун, «майли реклама пайти сериалини кўрволақолсин» деб, каналдан-каналга ўзлари ўтказиб беришади-да, кейин ўзлари ҳам шу сериалга қизиқиб, киришиб кетишади.
4.Биз ҳар доим ҳақмиз!
5.Ҳиссиётларимиздан уялмаймиз! Ҳар қандай уриш-жанжалда кўз ёшларимизнинг ўзи ҳар қандай инсонни ишонтириш учун далил-исбот ўрнини босади.
6.Камчиликларимизни феълимиздаги ўзига хос, қизиқ хусусият сифатида кўрсата оламиз.
