"Барселона" клуби собиқ футболчиси Рональд де Бур Испания матбуотига берган интервьюсида Мадриднинг "Реал" ҳамда Каталониянинг "Барселона" клублари ўртасидаги "класико" ҳақида ўзининг фикрларини айтиб ўтди.

"Реал" ва "Барселона" дунёдаги энг кучли клублар саналади. Бу мавсумда "Қироллик клуб" футболчиларининг ўйинлари анча юқори ва улар ҳар қандай рақибни енгишга қодирлар. Шунинг учун мен иккала жамоани ҳам фаворитлар сафига киритиган бўлардим.

"Класико"га келсак, "Реал"нинг ғалабасини инкор қилмайман. Агар илгари "Барса" аниқ ғалаба қозонади, дея олган бўлсам, энди ундай дея олмайман", - дейди де Бур.

«Барселона» ярим ҳимоячиси Франсеск Фабрегас «Сантьяго Бернабэу» стадионига фақат ва фақат ғалаба учун майдонга тушишларини айтиб ўтди.

«Жамоа ажойиб спорт формасида. Биз Мадридга фақат ғалаба учун борамиз. Нима бўлган тақдирда ҳам биз жанговар ўйин ўтказамиз. «Реал» билан ўйинда асабларни жиловлаб майдонга тушиш керак. Бўлмаса, бу нарса бизга қимматга тушиши мумкин.

Улар ғалаба учун борларини ташлашади. Агар «Реал» ғалаба қозонса, бизни чемпионатда катта қийинчиликлар кутиб турибди. Шу боисдан фақат ва фақат  ғалаба учун майдонга тушамиз» дейди Фабрегас.