Хабарингиз бор, 21 март санасида ОФК кубоги 2-тур учрашувларига старт берилади. "Нефтчи” жамоасининг 18 нафар футболчи ва 8 нафар расмий шаҳслардан иборат делегация бугун тунда Тошкент – Деҳли йўналиши бўйича парвоз этиши режалаштирилган. Ушбу учрашувга жамоа таркибида иккита йўқотиш мавжуд.
Иорданиянинг "Ал Виҳдат” жамоасига қарши кечган учрашувда, жамоа дарвозабони Ҳислат Чилматов тиззасидан жароҳат олган эди. Олимпиячиларимиз сафида ҳаракат қилаётган ярим ҳимоячи Павел Смоляченко ҳам ушбу учрашувда "Нефтчи”га ёрдам бера олмайди. Юрий Саркисян Ҳислат Чилматовнинг ўрнини ушбу мавсумда Муборакнинг "Машъал” жамоасидан келиб қўшилган ёш ва иқтидорли дарвозабон Элдор Исабоев тўлдириши аниқ бўлди.
