Turnalar bir manzildan boshqasiga ko'chganda hech qachon yakka-yakka ko'chmaydilar. Kim ko'ribdi ularning yakka uchganini? Odam ham shunday. Uzoqni ko'zlagan kishi ham yakka o'zi yo'lga chiqmaydi. Avval hamroh izlaydi, hammaslak topadi. Keyin birga, suv kelsa simirib, tosh kelsa, kemirib dovon oshadi. Birlashgan o'zar, deb bekor aytmaganlar. Mashaqqatli yo'lda odam odamdan qo'r, kuch oladi, odamning hovrini odam ko'taradi. Yakka yolg'iz kim dunyoga ustun bo'libdi? Odam yaratgan jamiki ihtirolar ko'pchilik aqlining mo'jizalariidir. Kim menman desa, yanglishadi, bir kun emas, bir kun qanoti qayrladi, ko'zlagan manziliga yeta olmay dog'da qoladi. Senga nasihatim shuki, bo'talog'im, yakka yurishdan, yakka qolishdan, yakka o'zim bo'lay deyishdan qoch. Har vaqt yoningda seni tushunadiganlar, senga suyanadiganlar va seni suyaydiganlar bo'lsin. Turnalardek birga uch, ana shunda parvozing baland bo'ladi. Illo, bu hayotda safaring behatar bo'lgay, omad senga yor bo'lgay.
Каталог файлов