LG videotasvirni simsiz yuboradigan HD texnologiyani namoyish etdi

LG Ultra HD imkoniyatiga ega birinchi video ma'lumotlarni simsiz jo'natish texnologiyasini namoyish qildi.
LG Electronics (LG) kompaniyasi Barselonada bo'lib o'tgan Mobile World Congress (MWC) 2013 anjumanida ilk bor o'zining yetakchi Wireless Ultra High Definition (UltraHD) Transmission texnologiyasini taqdim etdi.
Mazkur yangi avlod mobil texnologiyasi smartfondagi o'yin va boshqa kontentlarni televizor ekranlarida Ultra HD orqali simsiz uzatish tizimi yordamida tomosha qilish imkonini beradi.

"Wireless Ultra HD Transmission innovatsion texnologiyasi yordamida foydalanuvchilar sevimli mobil kontentlaridan Ultra HD imkoniyatiga ega eng ilg'or zamonaviy televizorlar orqali bahramand bo'lishlari mumkin", - deydi "LG Electronics Mobile Communications" kompaniyasi Prezidenti hamda bosh direktori doktor Chong-Seok Pak. - Texnikada o'ziga xos inqilob qilgan LG kompaniyasi sohada o'z  peshqadamligini yana bir karra isbotladi.

Wireless Ultra HD Transmission texnologiyasi smartfon multimedia kontentlarini televizorlarga avvalgi mobil texnologiyalarga qaraganda yanada tez va ravon o'tishini ta'minlaydi. Yangi avlod LG mobil texnologiyasi ushbu vazifani to'xtashlarsiz va ma'lumotlarni yo'qotishlarsiz WiFi tizimini ishlatgan holda amalga oshirish imkonini beradi.

Multimedia kontentini uzatish chog'ida u avtomatik ravishda televizor imkoniyatiga moslashadi, bu esa tasvirni benuqson ko'rsatishni ta'minlaydi.
Bundan tashqari LG Wireless Ultra HD Transmission tizimi avvalgi ma'lumot uzatish texnologiyalaridan farqli o'laroq ikkikarra kam quvvat sarflaydi.
Bunga smartfonning markaziy protsessor va boshqa uskuna tarkibiy qismiga tushayotgan yukning kamayishi yordamida erishiladi.

manba: naesmi.uz